ភ្នំពេញ៖ ក្រសួងសាធារណការសម្រេចពន្យាពេលដំណើរការសាកល្បងនូវកាមេរ៉ាចាប់ល្បឿនពីកំណាត់ផ្លូវជាតិលេខ៣ ចាប់ពី (ចោមចៅ) ដល់ទីរួមខេត្តកំពតទៅពេលក្រោយ។
ក្នុងសេចក្ដីជូនដំណឹងចុះថ្ងៃទី៣០ ខែធ្នូ ឆ្នាំ២០២១ ក្រសួងសាធារណការបញ្ជាក់ថាការពន្យាពេលនេះដោយសារការតភ្ជាប់ទៅក្នុងប្រព័ន្ធគ្រប់គ្រងចរាចរណ៍របស់អគ្គស្នងការនគរបាលជាតិនៅមិនទាន់ចប់សព្វគ្រប់។
កាមេរ៉ាចាប់ល្បឿនទាំង ១០ទីតាំងដែលដាក់នៅលើកំណាត់ផ្លូវជាតិលេខ៣ ចោមចៅ-កំពត ត្រូវបានក្រសួងសាធារណរៀបចំដំឡើងចាប់ពីថ្ងៃទី៤ ខែសីហា ឆ្នាំ២០២១ និងបានបញ្ចប់នៅថ្ងៃទី៦ ខែវិច្ឆិកា ឆ្នាំ២០២១ ដែលមាន៤ទីតាំងចាប់ពីចោមចៅដល់បែកគូស និង៦ទីតាំងចាប់ពីបែកគូសដល់ទីរួមខេត្តកំពត។ តាមគម្រោងពីមុនការដំណើរការកាមេរ៉ាចាប់លឿននេះគ្រោងធ្វើនៅដើមខែមករា ឆ្នាំ២០២២៕
